Dako nato’ng garbo nga nakaapil ang atong pinulongan sa talaan sa mga suportadong dila sa Google Translate, bisan pa sa pagbabag ug pagpugong sa ubang mga tawo nga did-an ang ubang mga pinulongang Pilipinhon (sama sa Sinugboanon) sa pag-apil sa Google Translate tungod kay Tagalog ra kuno ang angay magpatuga-tuga niana. Apan, wala sila makapi-og sa gugma sa mga Sugboanon alang sa atong pinulongan.
Ang pagsalmot sa Sinugboanon sa Google Translate nagpasabot nga mahimo na’ng magpahubad ang tibuok kalibotan gikan sa laing pinulongan (sama sa Ingles o Tagalog) ngadto sa Sinugboanon — o pabali ba kaha.
Apan lagi kay wa kaayo mahatagi og igong pagtagad ang pinulongang Sinugboanon dinha sa Web, dili pa kaayo tukma ang paghubad. Busa, pinaagi sa Love Your Language Philippines, nangayo ang Google og tabang sa mga Sugboanon ug mga naggamit sa pinulongang Sinugboanon nga panindoton ang kalidad sa paghubad. Ang maong sangpit gituki nako sa akong mubo nga tinagik nga nag-ulohan og “Nakahúbad Ka Na?“. Basaha ang tibuok hulad ngadto sa Cebuano Website | Saksaksinagol.com.
